Министерот за внатрешни работи Оливер Спасовски денеска одржа работна средба со Шефот на Канцеларијата за врски на НАТО, морнаричкиот капетан Горазд Бартол.

Г-динот Бартол му го честита изборот на министерот Спасовски и му посака успешна работа, а понуди и помош за реформите во Министерството за внатрешни работи.

Министерот Спасовски се заблагодари на честитките и изрази надеж дека соработката со НАТО ќе се зголеми, за остварување на клучниот приоритет на Република Македонија- членство во НАТО и Европската унија. Министерот Спасовски ја потенцира решеноста за спроведување на реформи во Министерството за внатрешни работи, за тоа да се департизира и декриминализира и да им се даде можност на професионалците да си ја вршат својата работа.