Полициски службеници од Полициската станица од општа надлежност Штип денеска (17.02.) реализираа едукативно предавање во општинското основно училиште „Димитар Влахов“ во Штип, а тематски посветено на „Превенција од сајбер насилство“.
Во текот на предавањето беа презентирани две инаку блиски тематски подрачја и тоа „Сајбер булинг во училиштата“ и „Користење безбеден интернет“.
Основна цел на едукативните работилници беше информирање и запознавање на учениците како да се детектираат, односно препознаат ваквите девијантни појави и да се подигне свеста и безбедносната култура во насока на благовремена превенција и заштита, како и запознавање со надлежностите на МВР во насока на сузбивање на овие појави.