Вчера (05.02.), полициски службеници од полициската станица од општа надлежност Кичево, во основното училиште „Санде Штерјоски“ во Кичево, одржаа едукативни работилници на тема ,,Булинг и сајбер булинг“.
Притоа, полициските службеници низ интерактивна комуникација со учениците од деветто одделение, ги објаснуваа појавните форми на овие асоцијални и девијантни појави, кои сериозно ја загрозуваат безбедноста на учениците, со посебен акцент на начините за препознавање, избегнување, пријавување на истите, како и на законските овластувања на полициските службеници и казнените одредби за сторителите.