Денеска (24.01.) од страна на полициски службеници од ПО за БПС Берово на подрачјето на ОВР Берово беше спроведена превентивна активност на тема - „Стави појас”, на локации во село Смојмирово и месноста Робовска чекална.
Граѓаните беа информирани за потребата од користење на сигурносни појаси, пред се заради лична безбедност и заштита на возачот и патниците. Беше нагласено дека сигурносните појаси не се наменети само за возачот, туку обврската се однесува и на сопатниците и тоа без разлика дали се движат во населено место или надвор од населено место. Полициските службеници укажаа и на законската регулатива, односно нормативното санкционирање за некористење на сигурносниот појас. Воедно, на возачите им беа делени и едукативни печатени материјали изработени во соработка со РСБСП.