Денеска (30.12.) од страна на полициски службеници од ОВР Пробиштип, беше одржано едукативно предавање за учениците од Општинското основно училиште „Браќа Миладиновци“ во Пробиштип и во Подрачното општинско основно училиште „Кирил и Методиј“ во село Злетово, општина Пробиштип, а на тема „Петарди не – безбедност пред се“.

За време на предавањето преку практична презентација на примери и искуства за ризиците од незаконското користење на пиротехничките средства, на учениците им беа пренесени низа важни факти за овој проблем, пред се за превенирање на здравствено – безбедносните опасности што потенцијално ги има злоупотребата на петарди и други пиротехнички средства.

Инаку вчера, и полициски службеници при ОВР Свети Николе и ПО за БПС во соработка со РСБСП на улицата „Маршал Тито“ и улицата „Филип 2“ спроведоа активност под мотото - ,,Не пиј кога возиш“. Во рамки на активноста на возачите им беа делени летоци со едукативна содржина изработени во соработка со РСБСП. Воедно, на возачите им беше потенцирано дека алкохолот е една од главните причини за предизвикување сообраќајни незгоди.