Денеска (23.12.) полициски службеници од Регионален центар за гранични работи Исток, во соработка со полициски службеници од ПО за ГН Каменица, од ОВР Делчево и од ПО Македонска Каменица, заедно со медицински лица од ЈЗУ “Гоце Делчев“ -Делчево и од ПЗУ „Диб- Хелт“ од Македонска Каменица во средните општински училишта „Методиј Митевски Брицо“ во Делчево и „Миле Јаневски –Џингар“ во Македонска Каменица реализираа превентивна активност на тема: „Стоп за употребата на пиротехнички средства“.
Преку соодветна презентација изготвена од страна на Универзитетската клиника за пластична и реконструктивна хирургија од Скопје и Министерството за внатрешни работи учениците беа запознаени со најчестите повреди кои настануваат од употреба на пиротехнички средства како што се изгорениците, повредите на очите, повреди на шака, и други телесни и тешки телесни повреди.
Преку разговори и дискусија учениците од прва година беа запознаени и со законската регулатива во врска со набавка, продажба и употреба на пиротехничките средства.