Денеска (13.12.) Одделението за превенција при СВР Скопје во соработка со Републичкиот совет за безбедност на сообраќајот на патиштата спроведе превентивна активност под мотото „Користи зимска опрема - биди одговорен возач“.
Активноста беше спроведена на подрачјето на ПСОН Центар, со цел зголемување на сообраќајната култура во насока на почитување на сообраќајните правила и прописи, како и зајакнување на довербата и соработката помеѓу полицијата и граѓаните. На возачите им беа делени и информативно-едукативни печатени материјали, изработени во соработка со РСБСП.