Денеска (11.12.) во централното градско подрачје на Штип, Отсекот за превенција при СВР Штип, во содејство со полициски службеници од ПСОН Штип при СВР Штип, спроведоа превентивна активност под мотото – „Слави со срце не со оружје“ и „Не користи петарди и други пиротехнички средства“.

Притоа, граѓаните беа запознаени со ризиците од употреба на оружје или други пиротехнички средства при прослави, што како појава е посебно актуелна пред и за време на Новогодишните и Божиќните празници. Воедно беа потенцирани и казнените законски одредби за неовластена употреба на пиротехнички средства на јавно место со која се загрозува сигурноста и безбедноста на граѓаните при нивна употреба.

На граѓаните им беа поделени и информативни летоци со цел подигање на нивото на свест и почитување на законската регулатива. Иста таква активност денеска се реализираше и од страна на полициски службеници од ОВР Свети Николе под мотото „Слави со срце не со оружје“ и „Не користи петарди и други пиротехнички средства“.