Денеска (03.12.) полициски службеници од ОВР Свети Николе во средното општинско училиште „Кочо Рацин“ за учениците од прва до четврта година одржаа едукативно предавање на тема – „Не користи пиротехнички средства“.
Преку наменски подготвена видео презентација полициските службеници ги запознаа учениците со опасностите и последиците од незаконска употреба на петарди и други пиротехнички средства, како по личната безбедност така и по материјалните добра.
Исто така учениците беа информирани и за казнените одредби со кои се предвидува санкционирање на лицата кои употребуваат петарди и други пиротехнички средства.