Денеска (07.11.) од страна на полициски службеници од Отсекот за превенција при ОВР Берово беше спроведено едукативно предавање на тема „Правила за малите пешаци“ а наменето за учениците од второ, трето и четврто одделение при општинското основно училиште „Нилола Петров Русински“ во село Русиново, беровско.
Од страна на полициските службеници преку наменски подготвена презентација учениците беа запознаени со сообраќајните правила и прописи, со сообраќајните знаци, потоа со тоа што е коловозот, а што е пешачкиот премин и тротоар со акцент на последиците и опасностите што ги носи непочитувањето на сообраќајните правила.