Вчера (26.08) од страна на Отсекот за превенција при СВР Штип во Македонска Каменица беше спроведена превентивна активност од областа на сообраќајната безбедност „Отвори очи и со памет - во сообраќајот не си сам!“

Проектот е создаден во рамки на пошироката соработка на рудникот „Саса“, општината Македонска Каменица и Отсекот за превенција при СВР Штип, а со цел подигање на нивото на сообраќајната култура, односно свесноста кај учесниците во сообраќајот за поголема безбедност и намалување на сообраќајните незгоди и последиците од истите.

При тоа од страна на полициски службеници од ПО за БПС Делчево и ПО Македонска Каменица на граѓаните во директна комуникација им беше укажано на потребата од почитување на сообраќајните правила, како и последиците од нивното непочитување, а им беа поделени и материјали со едукативна содржина.