Вчера (21.08.2024) на Градскиот плоштад во Кавадарци, Отсекот за превенција при СВР Велес заедно со полициски службеници од Полициската станица од Кавадарци реализираа едукативна работилница на тема „Полицијата и децата се дружат“.

Имено, на покана од општина Кавадарци, Отсекот за превенција зема учество во културно - забавната манифестација „Кавадаречки стрит фест 2024“ во која со излагање на дел од полициската опрема и преку комуникација со полициските службеници, децата имаа можност да се запознаат со значењето и функционирањето на полициската служба.

Тие беа запознаени со секојдневното полициско работење , со задачите и обврските на полицијата, а сето тоа во насока на градење на доверба, сигурност и зближување со децата.