Во рамките на превентивната кампања „Мојот полицаец“, вчера (15.05.2024), деца од предучилишна возраст од централната детска градинка „Јасна Ристеска“ ја посетија Полициската станица за безбедност во сообраќајот - Охрид. Притоа, на најмладите им беа презентирани дел од опремата и материјално - техничките средства што ги користат сообраќајците во секојдневната работа, како и полициските возила и мотоциклите, што предизвика најголем интерес кај децата.

Низ разговор, полициските службеници на децата од детската градинка им објаснија колку е важно да се почитуваат сообраќајните знаци и како треба безбедно да се учествува во сообраќајот. Целта на превентивната кампања „Мојот полицаец“ е приближување на полицијата до децата како најмлада категорија на граѓани, развивање на нивната безбедносна култура, развивање на чувството на припадност и прифаќање на полицијата како нивен пријател. Во рамки на кампањата ќе бидат вклучени и деца од другите градинки.