Изминатиот викенд полициски службеници од Отсекот за превенција при СВР Куманово одржаа финален натпревар за ученици од средни училишта во Куманово на тема „Научи-положи-биди одговорен, кажи: СТОП на сообраќајни незгоди!“

За натпреварот беа пријавени вкупно 320 ученици, при што во двата квалификациски циклуса учествуваа по 160 ученици. Во финалниот дел влегоа 83 ученика, а од нив во супер финалето што се одржа завчера (27.04.) во СОУ „Наце Буѓони“ се пласира 29 ученици со освоени максимален број на поени, а станува збор за ученици од трета и четврта година од сите средните училишта на подрачје на општина Куманово.

По завршување на натпреварот, во присуство на сите членови од авто школи и претставници на средните училишта, беше спроведен свечениот чин на доделување на ваучери за полагање на возачки испит од Б категорија на најуспешните, а од страна на претседателот на Општинскиот совет за безбедност во сообраќајот на патишта им беа доделени дипломи на сите ученици, како и благодарници од страна на Отсек за превенција при СВР Куманово на сите авто школи и училишта за успешно спроведените активности. Вакви натпревари се одржаа и во Крива Паланка и Кратово.