Отсекот за превенција при Секторот за внатрешни работи Штип, денеска (16.03.2024) на повеќе локации во Штип спроведе превентивно - едукативна кампања на темата „Има помош за живот без насилство“. Активноста беше реализирана со средби со повеќе граѓани на кои им беа поделени летоци со едукативна содржина и им беа давани совети за помош, поддршка и заштита од насилство. Притоа, беше потенцирана неопходноста од соработка и нивна навремена комуникација со полицијата, пред се, преку точно и брзо пријавување на бесплатните телефонски броеви 112 и 192.