Во текот на вчерашниот ден (23.08.2023) од страна на Полициските службеници од Полициска станица за граничен надзор Пехчево, во с.Чифлик, с.Смојмирово , с.Ратево и Берово, спроведена е превентивна активност под мотото: „Да ги заштитиме нашите шуми од шумски пожари и бесправни сечи“. Преку непосредна комуникација со жителите на овие села и градот Берово, беше укажувано на значењето на шумите и начините за нивнат= заштита, последиците од пожарите и незаконско сечење на шумите, почитување на делумната забрана за движење во шума и шумско земјиште...

Беше потенцирано дека е потребно совесно и одговорно однесување при движење и престој во шумите, а при тоа беа поделени и летоци со едукативна содржина.