Во текот на вчерашниот ден (13.08.) на подрачјето на село Цера, Македонска Каменица, од страна на полициски службеници од Полициското одделение Македонска Каменица беше спроведена превентивна активност под мотото – „Да ги заштитиме шумите од шумски пожари и бесправни сечи“. Низ разговори со месното население, граѓаните беа информирани за најчестите причини и за последиците од шумските пожари, како и за штетите од дрвокрадството по однос на шумскиот фонд и квалитетот на животната средина. Истовремено се апелираше до граѓаните за внимателност и одговорност, особено во летниот период, а посебно беше нагласена важноста од соработката на локалното население со полицијата и другите надлежни иституции. Локалното население, исто така, беше запознато и со правната регулатива која ја опфаќа оваа област, како и за пропишаните санкции кои се предвидени за прекршување на законските норми. Воедно, беше укажано да се посвети поголемо внимание и при извршување на секојдневните земјоделски работи, да не се фрлаат отпушоци од цигари и друг запалив отпад, да не палат стрништа ниту да се пали оган на отворен простор. На граѓаните им беа делени и едукативни летоци со информативни содржина за заштита на шумите од пожари и бесправната сеча на шуми.