Во рамките на континуираните превентивни активности на Одделението за превенција при СВР Скопје денеска (01.08.) во непосредна близина на наплатна рампа „Глумово“ беа спроведени превентивни акивности согласно коцептот за превенција и заштита на шумите од пожари. Покрај непосредните разговори и совети до возачите и патниците, полициските службеници делеа печатени едукативни материјали со едукативна содржина, а со цел подигнување на свеста кај учесниците во сообраќајот, пред се на автопатиштата и регионалните патни правци, за внимателност и одговорност при патување во подрачја каде што има шуми или сува трева. Особено во поглед на фрлањето запаливи предмети, отпушоци или палење оган покрај патот. Исто така и вчера (31.07.) Одделението за превенција при СВР Скопје во општина Сопиште реализираше превентивни активности во насока на заштита и превенција од шумски пожари во летниот период. Притоа на неколку локации во општината, дел кои водат кон излетничко-рекреативни локалитети, полициските службеници укажуваа на неопходноста од совесно однесување и заштита на шумскиот фонд како јавно, заедничко добро. И во таа прилика на граѓаните им беа делени едукативни печатени материјали изработени во соработка со ЈП „Национални Шуми“, со информативни содржини во насока на подетално запознавање и превенција на ризиците од шумски пожари.