Полициски службеници од полициската станица за безбедност на патниот сообраќај Битола при СВР Битола, денеска (27.03.) во основните училишта “Гоце Делчев“ и “Даме Груев“ во Битола реализираа едукативни превентивни работилници од областа на сообраќајот.
На работилниците полициските службеници ги запознаа учениците од осмо и деветто одделение од овие основни училишта околу сообраќајните правила и прописи, особено важни од аспект на децата како учесници во сообраќајот. Притоа, посебно внимание беше посветено околу правилата и прописите при користење на моторцикли, електрични тротинети, велосипеди, што младите најчесто ги користат во сообраќајот, и секако за децата како пешаци.