Продолжувајќи со континуираните превентивни активности, Отсекот за превенција при СВР Битола денеска (24.02.) реализираше едукативни работилници со ученици од средните општински училишта “Кузман Шапкарев“, “Јосип Броз Тито“ и “Таки Даскалот“ во Битола.

Во рамки на работилниците беше посветено поголемо внимание пред се на темите околу врсничко насилство, како и околу говорот на омраза и злоупотребата на социјални мрежи. На учениците им беа презентирани најбитните информации за различните форми и манифестации на овие видови социо-девијантни однесувања чии последици можат да предизвикаат сериозни штети и законски реперкусии. Всушност, целта на едукативните работилница беше насочена кон подигнување на свеста на учениците и кон нивно подетално запознавање заради препознавање, превенција и заштита од овие специфични видови негативни појави.

Покрај ова, а во рамки на превентивните активности на СВР Битола денеска ПО Велушина и ОВР Крушево сороведоа превентивна активност за заштита и спречување на пожари, а во текот на истите беше поделен и печатен материјал со едукативна содржина за информирање на жителите од Велушна и Крушево.