Полициски службеници од Одделението за внатрешни работи Крива Паланка вчера (14.12.) во основното училиште “Св.Јоаким Крчовски“ во Крива Паланка спроведоа едукативно предавање за учениците посветено на неовластеното и незаконско употребување на пиротехничките средства, особено во контекст на претстојните новогодишни и Божикни празници.

Притоа за учениците од шесто и седмо одделение беше подготвена соодветна стручна презентација од полициската практика и искуства, на која што децата беа информирани за сите штетни последици од употребата на петардите и другите пиротехнички средства. А особено беше нагласена опасноста од последици по здравјето на децата, како и законските последици што може да ги предизвика неовластената употреба на пиротехниката.