Во рамките на проектните превентивни активности од кампањата “Безбедност во училиштата“, Одделението за превенција при СВР Скопје заедно со полициски службеници од Полициските станици од општа надлежност Карпош и Аеродром , како и од Полициското одделение Мирковци денеска (31.10) реализираа едукативни работилници во основните училишта “Димо Хаџи Димов“ (Карпош), “Ѓоргија Пулевски“ (Аеродром), и “Александар Урдаревски“ во општина Чучер Сандево.

Превентивните работилници тематски беа посветени на детските права од корпусот на универзалните човекови права, како и на заштитата и препознавањето на облиците на насилство каде што децата можат да бидат жртви.

Притоа децата од седмите и осмите одделение беа запознати со можностите што им се нудат преку веќе формираните училишни Клубови за превенција, односно како преку нивен ангажман во соработка со полицијата и надлежните во училиштата можат да се превенираат разните криминогени појави, а во интерес на нивна заштита и безбедност.