Во рамки на превентивниот проект „Безбедни училишта“, денеска полициски службеници од Отсекот за превенција при СВР Куманово реализираа две едукативни работилници со ученици од општинското средно училиште “Наце Буѓони“ и основното училиште “Кочо Рацин“ во Куманово.
Темите на едукативните работилници се однесуваа пред се на превенцијата од врсничкото насилство, потоа од насилството на социјалните мрежи и начините за рано препознавање и навремено спречување на овие форми на насилство.
Исто така на учениците им беа презентирани и проблемите, опасностите и штетите од зависностите, односно злоупотребата на дроги и алкохол, како и законските последици од ова девијантно поведение.