Отсекот за превенција при СВР Куманово во соработка со Општинскиот совет за безбедност во сообраќајот на патиштата Куманово, денеска (19.09.2022) во Детската градинка „Ангел Шајче“ во Куманово ја реализираше превентивната кампања за безбедно учество на децата во сообраќајот. Целта на оваа активност е децата, уште од најрана возраст да се едуцираат за сообраќајните правила и прописи, како и за безбедното движење по улиците.

Децата од предшколска возраст од клонот „Детелинка“, по теоретското предавање подготвено за нив, имаа можност непосредно на крстосница да се запознаат како и каде безбедно да ја поминат улицата, односно беше направена практична демонстрација на правилно и безбедно поминување на пешачки премин и семафор.